آسٹریلیا میں ڈومیسٹک کرکٹ کھیلنے والے پاکستانی فاسٹ بولر عرفان جونیئر پر بال ٹیمپرنگ کا جرم ثابت ہونے پر پانچ میچز کی پابندی عائد کر دی گئی ہے۔
آسٹریلوی میڈیا کے مطابق یہ واقعہ وکٹوریا پریمیئر شپ میچ کے دوران پیش آیا، جہاں امپائرز نے عرفان جونیئر پر گیند کی حالت خراب کرنے کا الزام عائد کیا تھا بعد ازاں کرکٹ وکٹوریا کے ٹریبونل نے سماعت کے بعد الزام ثابت ہونے پر ان کے خلاف پابندی کا فیصلہ سنایا۔
یاد رہے کہ عرفان جونیئر ماضی میں پاکستان سپر لیگ (پی ایس ایل) کی مختلف فرنچائزز کی نمائندگی کر چکے ہیں اور پاکستان میں فرسٹ کلاس کرکٹ بھی کھیل چکے ہیں چند برس قبل وہ آسٹریلیا منتقل ہوئے، جہاں اب وہ ڈومیسٹک کرکٹ میں سرگرم ہیں۔