ٹی ٹوئنٹی ورلڈ کپ میں مایوس کن کارکردگی کے بعد پی سی بی نے قومی اسکواڈ کے ہر کھلاڑی پر 50 لاکھ روپے جرمانہ عائد کر دیا ہے ذرائع کے مطابق ٹیم کو یہ فیصلہ بھارت کے خلاف شکست کے فوری بعد ہی آگاہ کر دیا گیا تھا۔
ٹورنامنٹ میں پاکستان نے ابتدا میں نیدرلینڈز کے خلاف مشکل سے کامیابی حاصل کی اور امریکا کو شکست دی، تاہم اہم مقابلوں میں تسلسل برقرار رکھنے میں ناکام رہا۔
سپر 8 مرحلے میں رسائی کے باوجود انگلینڈ کے خلاف شکست اور دیگر نتائج نے سیمی فائنل کی امیدیں ختم کر دیں سری لنکا کے خلاف فتح بھی نیٹ رن ریٹ بہتر بنانے کے لیے ناکافی ثابت ہوئی، جس کے نتیجے میں نیوزی لینڈ نے اگلے مرحلے میں جگہ بنا لی اور گرین شرٹس کی مہم اختتام پذیر ہوگئی۔
بورڈ حکام کا کہنا ہے کہ اب ترجیحی سلوک کا خاتمہ کر دیا گیا ہے اور مالی مراعات مکمل طور پر کارکردگی سے مشروط ہوں گی ان کے مطابق جس طرح نمایاں کارکردگی پر بونس دیا جاتا ہے، اسی طرح ناقص نتائج پر جوابدہی بھی لازم ہوگی۔