ٹی ٹوئنٹی ورلڈ کپ میں بھارت نے سپر ایٹ مرحلے کے اہم مقابلے میں زمبابوے کو بھاری مارجن سے شکست دے کر سیمی فائنل تک رسائی کی امیدیںبرقرار رکھیں۔
چنئی میں کھیلے گئے گروپ ون کے میچ میں زمبابوے نے ٹاس جیت کر بھارت کو پہلے بیٹنگ کی دعوت دی بھارتی بیٹرز نے جارحانہ انداز اپناتے ہوئے مقررہ اوورز میں 4 وکٹوں کے نقصان پر 256 رنز کا پہاڑ کھڑا کر دیا۔
ابھیشک شرما 55 رنز بنا کر نمایاں رہے جبکہ ہاردیک پانڈیا نے ناقابلِ شکست 50 اور تلک ورما نے 44 رنز کی اننگز کھیلی ایشان کشن 38، کپتان سوریا کمار یادیو 33 اور سنجو سیمسن 24 رنز بنا کر آؤٹ ہوئے۔
زمبابوے کی جانب سے سکندر رضا، ماپوسا، موزاربانی اور اینگوارا نے ایک، ایک وکٹ حاصل کی۔
ہدف کے تعاقب میں زمبابوے کی ٹیم ابتدا ہی سے دباؤ کا شکار رہی اوپنر برائن بینیٹ نے شاندار بیٹنگ کا مظاہرہ کرتے ہوئے ناقابلِ شکست 97 رنز اسکور کیے تاہم دیگر بیٹرز بڑی اننگز کھیلنے میں ناکام رہے سکندر رضا 31 اور مرومانی 20 رنز بنا سکے۔
بھارت کی جانب سے ارشدیپ سنگھ نے تین کھلاڑیوں کو پویلین کی راہ دکھائی جبکہ شوم ڈوبے، اکشر پٹیل اور ورون چکرورتی نے ایک، ایک وکٹ حاصل کی۔
آل راؤنڈر ہاردیک پانڈیا کو عمدہ کارکردگی پر میچ کا بہترین کھلاڑی قرار دیا گیا۔
اس کامیابی کے بعد بھارت کی سیمی فائنل میں رسائی کی امیدیں برقرار ہیں بھارت کا اگلا اور فیصلہ کن میچ ویسٹ انڈیز کے خلاف ہوگا۔