بنگلا دیش نے نیوزی لینڈ کرکٹ ٹیم کے خلاف تین میچوں کی ون ڈے سیریز 1-2 سے جیت لی فیصلہ کن میچ چٹوگرام میں کھیلا گیا جہاں بنگلا دیش کرکٹ ٹیم نے آل راؤنڈ کارکردگی کا مظاہرہ کرتے ہوئے 55 رنز سے کامیابی حاصل کی۔
میزبان ٹیم نے پہلے بیٹنگ کرتے ہوئے 50 اوورز میں 265 رنز بنائے، جس میں نجم الحسن شانتو کی شاندار 105 رنز کی اننگز نمایاں رہی
۔ جواب میں کیوی ٹیم 210 رنز پر ڈھیر ہوگئی مستفیض الرحمان نے عمدہ بولنگ کرتے ہوئے 5 وکٹیں حاصل کیں۔
شانتو کو میچ کا بہترین کھلاڑی جبکہ ناہید رانا کو 8 وکٹوں کے ساتھ پلیئر آف دی سیریز قرار دیا گیا۔
دونوں ٹیموں کے درمیان اب تین ٹی ٹوئنٹی میچز کی سیریز 27 اپریل سے شروع ہوگی۔