بگ بیش لیگ کی فرنچائز سڈنی سکسرز نے باضابطہ طور پر اعلان کیا ہے کہ پاکستان کے اسٹار بلے باز بابر اعظم باقی میچز کے لیے دستیاب نہیں ہوں گے فرنچائز کے مطابق بابر اعظم کو پاکستان ٹیم کے آئندہ اسائنمنٹس کے سلسلے میں قومی کیمپ میں فوری رپورٹ کرنے کی ہدایت کی گئی ہے۔
سڈنی سکسرز کا کہنا ہے کہ بابر اعظم اب بگ بیش لیگ کی فائنلز سیریز کا حصہ نہیں ہوں گے، تاہم فرنچائز نے لیگ میں ان کی خدمات پر ان کا شکریہ ادا کیا ہے۔
اس موقع پر بابر اعظم نے سڈنی سکسرز کی کوچنگ اسٹاف، کھلاڑیوں اور انتظامیہ کا شکریہ ادا کرتے ہوئے کہا کہ انہوں نے ٹیم کے ساتھ وقت گزار کر لطف اٹھایا، مگر نیشنل ڈیوٹی کے باعث ٹیم چھوڑنا پڑ رہا ہے بابر اعظم نے شائقین کی بھرپور سپورٹ پر بھی اظہارِ تشکر کیا۔
واضح رہے کہ سڈنی سکسرز کا چیلنجر فائنل کل ہوبارٹ ہیوریکینز کے خلاف شیڈول ہے، جبکہ چیلنجر جیتنے والی ٹیم اتوار کو فائنل میں پرتھ اسکارچرز سے مدمقابل ہوگی۔