افغانستان نے 17 نومبر سے پاکستان میں شروع ہونے والی سہ ملکی کرکٹ سیریز میں شرکت سے انکار کر دیا ہے۔
پاکستان کرکٹ بورڈ (پی سی بی) کے ترجمان کے مطابق، افغانستان کی عدم شرکت کے بعد متبادل ٹیم کی تلاش جاری ہے اور سیریز شیڈول کے مطابق کھیلی جائے گی ترجمان نے بتایا کہ اس حوالے سے فیصلہ جلد کر لیا جائے گا۔
واضح رہے کہ سہ ملکی ٹی ٹوئنٹی سیریز میں پاکستان، سری لنکا اور افغانستان کی ٹیموں نے شرکت کرنا تھی جس کا شیڈول پی سی بی پہلے ہی جاری کر چکا ہے سیریز 17 سے 29 نومبر تک راولپنڈی اور لاہور میں کھیلی جانی ہے۔
افغانستان کرکٹ بورڈ نے ایک بیان میں تصدیق کی ہے کہ ان کی ٹیم پاکستان میں ہونے والی سیریز کا حصہ نہیں بنے گی۔