بحرین میں جاری ایشین یوتھ گیمز کے والی بال ایونٹ میں پاکستان نے شاندار کارکردگی کا مظاہرہ کرتے ہوئے فائنل کے لیے کوالیفائی کرلیا سیمی فائنل میں پاکستان یوتھ ٹیم نے انڈونیشیا کو 3-1 سے شکست دی۔
عیسیٰ اسپورٹس ہال میں کھیلا گیا مقابلہ 1 گھنٹہ 34 منٹ جاری رہا، جس میں سنسنی خیز لمحات دیکھنے میں آئے انڈونیشیا نے پہلا سیٹ 22-25 سے جیتا، تاہم پاکستان نے شاندار کم بیک کرتے ہوئے اگلے تین سیٹس 25-13، 25-19 اور 26-24 سے اپنے نام کیے۔
پاکستان کا فائنل میں مقابلہ ایران سے ہوگا پاکستان والی بال فیڈریشن کو امید ہے کہ نوجوان کھلاڑی گولڈ میڈل جیت کر تاریخ رقم کریں گے۔