اردو انٹرنیشنل (اسپورٹس ویب ڈیسک) تفصیلات کے مطابق ورلڈ ٹیم اسکواش چیمپئن شپ میں پاکستان نے دوسرا میچ بھی جیت لیا۔
دوسرے گروپ میچ میں پاکستان نے ہانگ کانگ کو 2-1 سے شکست دی۔ پاکستان کی جانب سے نور زمان اور ناصر اقبال نے اپنے میچز جیتے۔
اس سے قبل پہلے میچ میں قومی ٹیم نے پیرو کو 2-1 سے شکست دی تھی، جہاں پاکستان کے نور زمان اور ناصر اقبال نے اپنے میچز جیتے لیکن عاصم کو شکست کا سامنا کرنا پڑا تھا۔
گروپ کے 2 میچز جیتنے کے بعد پاکستان کی ناک آؤٹ راؤنڈ میں رسائی یقینی ہوگئی ہے۔ پاکستان اپنا آخری گروپ میچ 10 دسمبر کو اٹلی کے خلاف کھیلے گا۔