ابوظہبی میں ہونے والی سال کی آخری فارمولا ون ریس میں سنسنی خیز مقابلے کے بعد برطانوی ڈرائیور لینڈو نوریس نے مجموعی طور پر چیمپئن شپ اپنے نام کرلی۔
ریس میں میکس ورسٹاپن نے ایک گھنٹہ 26 منٹ 7 سیکنڈ کے وقت کے ساتھ پہلی پوزیشن حاصل کی، تاہم وہ چیمپئن شپ میں صرف دو پوائنٹس کے فرق سے پیچھے رہ گئے۔
اوسکر پیاستری ریس میں دوسرے نمبر پر رہے، جبکہ نوریس تیسری پوزیشن کے باوجود مجموعی طور پر 423 پوائنٹس کے ساتھ اپنی پہلی فارمولا ون چیمپئن شپ جیتنے میں کامیاب رہے۔ ورسٹاپن 421 پوائنٹس کے ساتھ دوسرے نمبر پر رہے اور ان کی مسلسل چار سالہ بالادستی کا سلسلہ ٹوٹ گیا۔