ونگ کوک کے مشن روڈ گراؤنڈ میں پاکستان نے شاندار کارکردگی کا مظاہرہ کرتے ہوئے کویت کو 44 رنز سے شکست دے کر ہانگ کانگ سکسز 2025 کا ٹائٹل اپنے نام کر لیا۔
پاکستان نے پہلے بیٹنگ کرتے ہوئے مقررہ اوورز میں 136 رنز بنائے اوپنر عبدالصمد نے صرف 13 گیندوں پر 42 رنز کی دھواں دار اننگز کھیلی، جبکہ کپتان عباس آفریدی نے محض 11 گیندوں پر ناقابلِ شکست 52 رنز بنائے جن میں سات چھکے شامل تھے۔
جواب میں کویت کی ٹیم 92 رنز پر ڈھیر ہو گئی معاذ صداقت نے شاندار باؤلنگ کا مظاہرہ کرتے ہوئے تین اہم وکٹیں حاصل کیں، جنہوں نے میچ کا رخ پاکستان کے حق میں موڑ دیا۔
اس کامیابی کے ساتھ پاکستان نے نہ صرف فائنل میں غلبہ حاصل کیا بلکہ پورے ایونٹ میں اپنی جارحانہ بیٹنگ اور متوازن باؤلنگ سے شائقینِ کرکٹ کے دل بھی جیت لیے۔