اردو انٹرنیشنل (اسپورٹس ڈیسک) تفصیلات کے مطابق آسٹریلیا نے اپنے ٹی ٹوئنٹی ورلڈ کپ 2024 اسکواڈ کا بدھ کو اعلان کیاجو جون میں امریکہ اور ویسٹ انڈیز میں ہونے والا ہے
مچل مارش کو کرکٹ آسٹریلیا نے مستقل ٹی ٹوئنٹی کپتان مقرر کر دیا ہے اور وہ ایونٹ کے دوران ٹیم کی قیادت کریں گے۔
آل راؤنڈرز میں مارکس سٹوئنس ٹم ڈیوڈ اور کیمرون گرین اور گلین میکسویل شامل ہیں۔
مارش نے کہا کہ اپنے ملک کے لیے کھیلنا ایک بہت بڑا اعزاز ہے اور اب ورلڈ کپ میں اسکواڈ کی قیادت کرنا اس سے بھی بڑا اعزاز ہے۔
آسٹریلیا اپنی ٹی ٹوئنٹی ورلڈ کپ مہم کا آغاز 5 جون کو بارباڈوس میں عمان کے خلاف کرے گاایونٹ کے گروپ بی میں آسٹریلیا کا مقابلہ انگلینڈ، نمیبیا اور اسکاٹ لینڈ سے بھی ہوگا۔
آسٹریلیا کا ٹی ٹوئنٹی ورلڈ کپ 2024 اسکواڈ
مچل مارش (کپتان)، ایشٹن آگر، پیٹ کمنز، ٹم ڈیوڈ، نیتھن ایلس، کیمرون گرین، جوش ہیزل ووڈ، ٹریوس ہیڈ، جوش انگلیس، گلین میکسویل، مچل اسٹارک، مارکس اسٹونس، میتھیو ویڈ، ڈیوڈ وارنر، ایڈم زمپا
