Pakistan's Yousuf Awan wins 2 gold and 1 silver medal at World Bodybuilding Championship
اردو انٹرنیشنل (اسپورٹس ویب ڈیسک) تفصیلات کے مطابق سکھر کے نوجوان ویٹ لفٹر نے یونائیٹڈ ورلڈ اسپورٹس اینڈ فٹنس فیڈریشن کے زیر اہتمام ورلڈ باڈی بلڈنگ چیمپئن شپ میں 2 گولڈ اور 1 سلور مڈل جیت لیا۔
سکھر کے ویٹ لفٹر یوسف اعوان نے باڈی بلڈنگ کے مقابلوں میں 2021 میں مسٹر سندھ کا ٹائٹل جیتا تھا بعد ازاں ساؤتھ ایشیا چمپئن شپ میں حصہ لے کر تیسرا نمبر حاصل کیا اور اب ورلڈ چیمپئن شپ میں پاکستان کی نمائندگی کی۔
نوجوان پاکستانی ویٹ لفٹر یوسف اعوان نے اپنی مدد آپ کے تحت تھائی لینڈ میں ہونیوالی ورلڈ چیمپئن شپ 2024 حصہ لے کر دو گولڈ مڈل اور ایک سلور مڈل جیت کر پاکستان کا نام روشن کیا۔
باڈی بلڈر یوسف اعوان کہنا تھا کہ مالی مشکلات پیش آئیں تو ترجمان حکومت سندھ و میئر سکھر ارسلان شیخ نے بھرپور تعاون کیا۔
انہوں نے حکومت سے اپیل کی کہ ان کی بھرپور سپورٹ کی جائے تاکہ وہ پاکستان کا نام مزید روشن کر سکتے ہیں۔
