پاکستان بمقابلہ نیوزی لینڈ: چوتھے ٹی ٹوئنٹی میں شکست کے بعد بابر اعظم کا رد عمل

اردو انٹرنیشنل (اسپورٹس ڈیسک) تفصیلات کے مطابق پاکستان کے وائٹ بال کے کپتان بابر اعظم نے جمعرات کے روز نیوزی لینڈ کے خلاف چوتھے ٹی ٹوئنٹی میں شکست کے بعد کھل کر کہا کہ وہ پر امید ہیں کہ ٹیم آئندہ ٹی ٹوئنٹی ورلڈ کپ 2024 کے لیے تیار ہوجائے گی.

نیوزی لینڈ کے خلاف پانچ میچوں کی ٹی ٹوئنٹی سیریز میں یہ پاکستان کی دوسری شکست تھی اور اس کے سیریز جیتنے کے امکانات ختم ہو گئے ہیں اور آخری میچ میں جیت کے ساتھ ہی وہ اسے برابر کر دے گا۔

میچ کے بعد بات کرتے ہوئے بابر نے اپنے باؤلرز کی تعریف کرتے ہوئے کہا کہ وہ انہیں 178رنز تک محدود رکھنے میں کامیاب رہے جیسا کہ انہوں نے امید کی تھی لیکن ابتدائی بیٹنگ کے خاتمے نے ہدف کا تعاقب کرنےمیں ان کے امکانات کو ختم کردیا۔

بابر نے میچ کے بعد کہا کہ مجھے لگتا ہے ہم نے انہیں اچھی بولنگ کے ساتھ محدود رکھا ہم 190-200 رنز کی توقع کر رہے تھے لیکن باؤلرز اپنے منصوبوں پر ڈٹے رہے اس کا تعاقب کیا جا سکتا تھا، لیکن ہماری بیٹنگ لائن ناکام رہی پاور پلے میں ہم نے تین سے چار وکٹیں گنوائیں لیکن فخر کی اننگز شاندار رہی ہم مثبت ارادے کے ساتھ اس کا تعاقب کرنا چاہتے تھے لیکن ہم ایسا کرنے میں ناکام رہے.

جب آپ بیک ٹو بیک وکٹیں کھو دیتے ہیں تو آپ کواننگز میں واپسی کے لیے چند اوورز کی ضرورت ہوتی ہے لیکن ہم اننگز کو مستحکم کرنے میں ناکام ہو گئے یہاں پر اوسط اسکور 190رنز کا ہے اس لیے مجھے لگتا ہے کہ ہم نے انہیں اچھی طرح سے محدود رکھا۔

اس کے بعد 29 سالہ نوجوان نے کہا کہ کچھ کھلاڑیوں کے زخمی ہونے کی وجہ سے انہیں پلیئنگ الیون میں تبدیلیاں کرنی پڑیں.

انجری کی وجہ سے کچھ تبدیلیاں ہوئیں لیکن نوجوانوں نے بہت کوشش کی ہمارا منصوبہ اپنی طاقت کو جانچنے کا مناسب موقع فراہم کرنا تھا اور یہ دیکھنا تھا کہ ہم کہاں کھڑے ہیں اور ہم مختلف کمبی نیشن کھیلنا چاہتے تھے امید ہے کہ ورلڈ کپ کے وقت ہماری ٹیم تیار ہوگی۔