ٹی ٹوئنٹی ورلڈکپ میں بھارتی کرکٹ ٹیم کے خلاف شکست کے بعد ٹیم مینجمنٹ نے سینئر کھلاڑیوں کی کارکردگی پر تشویش کا اظہار کیا ذرائع کے مطابق اہم میچز میں توقعات کے مطابق پرفارم نہ کرنے پر ٹیم میں بڑی تبدیلیوں پر غور کیا جا رہا ہے۔
ذرائع کا کہنا ہے کہ اگلے میچ میں سابق کپتان بابر اعظم اور فاسٹ بولر شاہین کو آرام دینے کی تجویز زیر غور ہے، جبکہ بینچ اسٹرنتھ کو موقع دینے کی حکمت عملی پر بھی سنجیدگی سے غور کیا جا رہا ہے نمیبیا کے خلاف میچ میں پلیئنگ الیون میں دو سے تین تبدیلیوں کا امکان ظاہر کیا جا رہا ہے۔
واضح رہے کہ پاکستان اپنا آخری گروپ میچ 18 فروری کو نمیبیا کے خلاف کھیلے گا، جو قومی ٹیم کے لیے ڈو اینڈ ڈائی حیثیت اختیار کر چکا ہے سپر ایٹ مرحلے تک رسائی کے لیے پاکستان کو یہ میچ جیتنا ضروری ہے، تاہم اگر میچ بارش کی نذر ہو جاتا ہے تو بھی پاکستان اگلے مرحلے میں جگہ بنانے میں کامیاب ہو جائے گا۔
ادھر سابق ٹیسٹ کرکٹرمحمد یوسف نے کرکٹ معاملات میں سیاسی مداخلت ختم کرنے کا مطالبہ کرتے ہوئے کہا ہے کہ ٹیم کی بہتری کے لیے پیشہ ورانہ فیصلوں کو ترجیح دی جانی چاہیے۔