امریکہ کی کرکٹ ٹیم نے آئی سی سی ٹی ٹوئنٹی ورلڈ کپ کے لیے اپنے اسکواڈ میں پاکستانی نژاد فاسٹ باؤلر احسان عادل کو شامل کر لیا ہے یہ فیصلہ تیز گیند باز جسدیپ سنگھ کے انجری کے باعث ٹورنامنٹ سے باہر ہونے کے بعد کیا گیا۔
آئی سی سی کی ٹیکنیکل کمیٹی نے اس تبدیلی کی باضابطہ منظوری دے دی ہے، جس کے بعد احسان عادل امریکی اسکواڈ کا حصہ بن گئے ہیں۔
احسان عادل کا تعلق لاہور سے ہے اور وہ اس سے قبل بین الاقوامی سطح پر پاکستان کی نمائندگی کر چکے ہیں وہ 2015 کے کرکٹ ورلڈ کپ میں پاکستان کے اسکواڈ کا حصہ تھے اور قومی ٹیم کے لیے تین ٹیسٹ میچز اور چھ ایک روزہ بین الاقوامی میچز کھیل چکے ہیں۔