پاکستان کے فاسٹ بولر شاہین شاہ آفریدی کا بگ بیش لیگ میں ڈیبیو خوشگوار نہ رہا برسبین ہیٹ کی جانب سے کھیلتے ہوئے شاہین کو اپنے تیسرے اوور میں دو بیمرز کرانے پر امپائر کی جانب سے مزید بولنگ سے روک دیا گیا وہ 2.4 اوورز میں 43 رنز دے کر کوئی وکٹ حاصل نہ کرسکے۔
دوسری جانب میلبرن رینیگیڈز کی نمائندگی کرنے والے قومی وکٹ کیپر بیٹر محمد رضوان بھی اپنے پہلے میچ میں متاثر کن کارکردگی نہ دکھا سکے اور 10 گیندوں پر صرف 4 رنز بنا کر آؤٹ ہوگئے۔
اسی طرح سڈنی سکسرز کی جانب سے کھیلنے والے سابق کپتان بابر اعظم بھی ڈیبیو میچ میں خاطر خواہ کارکردگی دکھانے میں ناکام رہے، جس کے باعث بگ بیش لیگ میں پاکستانی اسٹارز کا آغاز مایوس کن رہا۔