سکھر میں پہلی نیشنل میراتھن ریس کا انعقاد، ایتھلیٹس کی بھرپور شرکت

اردو انٹرنیشنل (اسپورٹس ویب ڈیسک) تفصیلات کے مطابق سکھر میں پہلی نیشنل میراتھن ریس کا انعقاد کیا گیا جس میں مرد و خواتین ایتھلیٹس نے بھرپور شرکت کی۔

نیشنل میراتھن ریس کے اختتام پر تقریب تقسیم انعامات معنقد ہوئی، پیپلزپارٹی کے مرکزی رہنما سید خورشید احمد شاہ اور صوبائی وزیر ثقافت سید ذوالفقار شاہ نے انعامات تقسیم کیے۔

کوٹ ڈی جی تا سکھر مردوں کی میراتھن ریس میں اول آنے والے سہیل عامر کو پانچ لاکھ روپے انعام دیا گیا، دوسرے نمبر پر آنے والے نیوی کے شہباز مسیح کو ڈھائی لاکھ روپے انعام دیا گیا، تیسری پوزیشن حاصل کرنے والے ذوالفقار احمد کو دو لاکھ روپے کا انعام دیا گیا۔

خواتین میں پہلی پوزیشن حاصل کرنے والی سحرش نتاشہ کو دو لاکھ روپے انعام دیا گیا، تقریب میں دیگر 20 مرد و خواتین ایتھلیٹس کو بھی انعامات دیئے گئے۔