بارش کے باعث پاکستان اور آسٹریلیا کے درمیان گابا میں پہلے ٹی ٹوئنٹی میں خلل پڑنے کا خطرہ

اردوانٹرنیشنل (اسپورٹس ڈیسک) تفصیلات کے مطابق پاکستان اور آسٹریلیا کے درمیان ٹی ٹوئنٹی سیریز کا آغاز آج (جمعرات) سے ہو رہا ہے لیکن کرکٹ شائقین کو پہلے میچ سے قبل ایک بری خبر موصول ہوئی ہے۔

تین میچوں کی سیریز کا پہلا ٹی ٹوئنٹی آج برسبین میں ہونا ہے تاہم بارش کے باعث میچ متاثر ہونے کا خطرہ ہے۔

میچ پاکستانی وقت کے مطابق دوپہر ایک بجے شروع ہونا ہے، لیکن برسبین کے محکمہ موسمیات نے دوپہر ایک بجے سے بارش کی پیش گوئی کی ہے اور ہلکی ہواؤں کے ساتھ دن بھر بارش ہو سکتی ہے۔

واضح رہے کہ پاکستان نے حال ہی میں آسٹریلیا کو ایک روزہ بین الاقوامی میچوں کی سیریز میں 2-1 سے شکست دی تھی۔