Babar Azam congratulated Kamran Ghulam on his Test debut century-AFP
بابر اعظم نے کامران غلام کو ٹیسٹ ڈیبیو پر سنچری کی مبارکباد دی
اردوانٹرنیشنل(اسپورٹس ڈیسک) تفصیلات کے مطابق پاکستان کے مایہ ناز بلے باز بابر اعظم نے کامران غلام کو ٹیسٹ ڈیبیو پر شاندار سنچری اسکور کرنے پر مبارکباد دی۔
کامران غلام کو دوسرے ٹیسٹ کے لیے اسٹار بلے باز بابر اعظم کی جگہ پاکستان کی پلیئنگ الیون میں شامل کیا گیا اور انھوں نے اپنے ڈیبیو پر سنچری بنا ڈالی.
اپنے ڈیبیو ٹیسٹ پرانہوں نے اسٹار بلے باز بابر اعظم کی طرف سے زبردست تعریف حاصل کی۔
اسٹار بلے باز نے کامران کی ایک تصویر پوسٹ کی اور تصویر پر کیپشن لکھا، ’’بہت اچھا کھیلا، کامران!‘‘
اپنی پہلی ٹیسٹ سنچری کے ساتھ، کامران غلام ڈیبیو پر تین کا ہندسہ عبور کرنے والے پاکستان کے 13ویں کھلاڑی بن گئے۔
یہ کارنامہ انجام دینے والے آخری پاکستانی کھلاڑی عابد علی تھے جنہوں نے دسمبر 2019 میں سری لنکا کے خلاف سنچری بنائی تھی۔
