نگران وزیراعظم انوار الحق کاکڑ کا دورہ تاشقند، آذربائیجان کے صدر سے ملاقات
اردو انٹرنیشنل (مانیٹرنگ ڈیسک)نگران وزیراعظم پاکستان انوار الحق کاکڑ نے ازبکستان کے دارالحکومت تاشقند میں اقتصادی تعاون تنظیم کے 16ویں سربراہی اجلاس کے موقع پر جمہوریہ آذربائیجان کے صدر الہام علیئیف سے ملاقات کی، دونوں رہنماؤں نے دوطرفہ تعلقات خصوصاً دو طرفہ تجارت، دفاع اور توانائی کے شعبے میں حالیہ پیش رفت کا جائزہ لیا.
We reiterate in the strongest terms about the need for an immediate ceasefire in Gaza on humanitarian grounds. Pakistan unequivocally supports the Palestinians in their just liberation struggle and condemns the oppression and genocidal impulse of the government of Israel. pic.twitter.com/9KC40wDvIW
— Anwaar ul Haq Kakar (@anwaar_kakar) November 9, 2023
دونوں ممالک کے درمیان برادرانہ تعلقات کا ذکر کرتے ہوئے وزیر اعظم نے آذربائیجان ایئر لائن (AZAL) کے پاکستان کے لیے براہ راست فلائٹ آپریشن کے اعلان کا خیرمقدم کیا اور اسے کاروبار اور سیاحت اور لوگوں کے درمیان تبادلوں کو بڑھانے کے لیے ایک مثبت پیش رفت قرار دیا۔
تاشقند: اقتصادی تعاون تنظیم کا 16واں اجلاس،نگراں وزیر اعظم انوار الحق کا خطاب کی ویڈیو کا لنک
نگران وزیر اعظم انوار الحق کاکڑ اور صدر علیئیف نے اسلامو فوبیا اور موسمیاتی تبدیلی سمیت دیگر مشترکہ چیلنجز ، علاقائی تعاون اور اجتماعی خوشحالی کو فروغ دینے کے لیے ای سی او کے اہم کردار پر تبادلہ خیال کیا۔
دونوں رہنماؤں نے غزہ میں انسانی بحران اور بھارتی غیر قانونی مقبوضہ جموں و کشمیر میں بھارتی مظالم کی تازہ ترین صورتحال پر بھی تبادلہ خیال کیا.وزیراعظم کاکڑ نے آذربائیجان کی خودمختاری اور علاقائی سالمیت بالخصوص قرہ باغ کے حوالے سے پاکستان کی غیر متزلزل حمایت کا بھی اعادہ کیا۔