Multan Test Day 3: Sajid Khan's 7 wickets, England all out for 291 runs-PCB
ملتان ٹیسٹ تیسرا دن:ساجد خان کی 7 وکٹ، انگلینڈ کی ٹیم 291 رنز پر آل آوٹ
اردوانٹرنیشنل(اسپورٹس ڈیسک) تفصیلات کے مطابق جمعرات کو ملتان کرکٹ اسٹیڈیم میں دوسرے ٹیسٹ کے تیسرے دن کے پہلے سیشن میں ساجد خان کی جادوئی اسپننگ کی بدولت انگلینڈ کی ٹیم 291 رنز پر ڈھیر گئی۔
ساجد خان نے 7 اور نعمان علی نے 3 وکٹ حاصل کیں۔
پاکستان نے اپنی دوسری اننگز شروع کرتے ہی 75 رنز کی برتری حاصل کر لی ہے۔
انگلینڈ کی جانب سے بین ڈکٹ نے 114، جو روٹ نے 34، اولی پوپ نے 29، زیک کرولی نے 27، جیمی اسمتھ نے 21، ہیری بروک نے 9، شعیب بشیر نے 9، میتھیو
پوٹس نے 6، برائیڈن کارس نے 4 اور بین اسٹوکس نے ایک رن بنایا۔
اس سے قبل پاکستان نے انگلینڈ کے خلاف دوسرے ٹیسٹ کی پہلی اننگز میں ڈیبیو کرنے والے کامران غلام کی سنچری کی بدولت 366 رنز بنائے تھے صائم ایوب نے 77، محمد رضوان نے 41، عامر جمال نے 37، نعمان علی نے 32 اور سلمان آغا نے 31 رنز بنائے۔
انگلینڈ کی جانب سے جیک لیچ نے سب سے زیادہ 4، برائیڈن کارس نے 3، میتھیو پوٹس نے 2 جبکہ شعیب بشیر نے ایک وکٹ حاصل کی۔
