بھارت ٹی ٹوئنٹی ورلڈ کپ جیتنے کا حقدار تھا، شاہین آفریدی

اردو انٹرنیشنل (اسپورٹس ڈیسک) تفصیلات کے مطابق پاکستان کے تیز گیند باز شاہین آفریدی نے کہا ہے کہ ٹیم انڈیا نے ہفتہ کو بارباڈوس میں جنوبی افریقہ کے خلاف فائنل کے دوران جس طرح کھیلاوہ ٹی ٹوئنٹی ورلڈ کپ 2024 جیتنے کے حقدار تھے.

شاہین نے لندن میں صحافیوں سے گفتگو کرتے ہوئے کہا کہ میں نے میچ دیکھا اور اس سے لطف اندوز ہوا دونوں ٹیموں نے اچھا کھیلا جو بھی ٹیم پریشر کو سنبھالے گی وہ جیت جائے گی۔

انہوں نے مزید کہا کہ ہندوستان نےکوالٹی کرکٹ کھیلی اور وہ جیتنے کے حقدار ہیں۔

شاہین نے زور دیا کہ ورلڈ کپ کے لیگ مرحلے میں ناک آؤٹ ہونے کے بعد پاکستان کو اپنی کوتاہیوں کو دور کرنے کی ضرورت ہے۔

انہوں نے مزید کہا کہ “مضبوط ٹیمیں ورلڈ کپ میں مقابلہ کرتی ہیں اور وہ ایک عمل سے گزرنے کے بعد آتی ہیں میرے خیال میں ہمیں کچھ چیزوں کو درست کرنے کی ضرورت ہے اور اگر ہم محنت کریں گے تو نتائج ہمارے ساتھ ہوں گے۔”

واضح رہے کہ ٹی ٹوئنٹی ورلڈ کپ 2024 کی ٹیم آف دی ٹورنامنٹ میں 6 ہندوستانی کھلاڑی شامل کیے گئے ہیں۔