Sunday, July 21, 2024
Top Newsآصف زرداری پیپلز پارٹی کے صدر مملکت کے امیدوار ہوں گے، بلاول...

آصف زرداری پیپلز پارٹی کے صدر مملکت کے امیدوار ہوں گے، بلاول بھٹو

آصف زرداری پیپلز پارٹی کے صدر مملکت کے امیدوار ہوں گے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ انتخابات کے بعد صد مملکت کے عہدے کے لیے پیپلز پارٹی کے امیدوار آصف علی زرداری ہوں گے۔

نجی ٹی وی کے پروگرام کو انٹرویو دیتے ہوئے بلاول بھٹو زرداری نے کہا کہ الیکشن کے بعد پیپلزپارٹی وزیراعظم، صدر مملکت، چیئرمین سینیٹ اور اسپیکر قومی اسمبلی کے لیے اپنے امیدوار کھڑے کرے گی۔

چیئرمین پاکستان پیپلز پارٹی نے کہا کہ مہنگائی، بیروزگاری اور غربت کا مقابلہ کرنے کیلئے ہم نے اپنا دس نکاتی عوامی معاشی معاہدہ تیار کیا ہے جس کو پورا کرنے کیلئے فنڈز ہم 17 وفاقی وزارتیں اور اشرافیہ کو ملنے والی 1500 ارب روپے کی سبسڈی کو ختم کرکے حاصل کریں گے۔

انہوں نے کہا کہ مسلم لیگ (ن) پورے ملک سے ہار رہی ہے اور مریم نواز کا وزیراعلیٰ یا وزیراعظم بننا خواب ہے، ابھی تک اسحٰق ڈار نے خواب دیکھنے پٌر ٹیکس نہیں لگایا ہے تو انہیں خواب دیکھنے دیں۔

بلاول بھٹو نے کہا کہ میں سمجھتا ہوں کہ پاکستان پیپلزپارٹی آج کل کے حالات اور مسائل کا بہتر انداز میں مقابلہ کرسکتی ہے اور سب کو ساتھ لے کر چل سکتی ہے۔

شہبازشریف کا بلاول کو مناظرے کے جواب میں موازنے کا چیلنج

دیگر خبریں

Trending