Thursday, July 18, 2024
Top Newsشہبازشریف کا بلاول کو مناظرے کے جواب میں موازنے کا چیلنج

شہبازشریف کا بلاول کو مناظرے کے جواب میں موازنے کا چیلنج

شہبازشریف کا بلاول کو مناظرے کے جواب میں موازنے کا چیلنج

اردو انٹرنیشنل (مانیٹرنگ ڈیسک) لاہور میں پریس کانفرنس کرتے ہوئے سابق وزیراعظم و پاکستان مسلم لیگ ن کے صدر شہبازشریف نے پی پی چیئرمین بلاول بھٹو زرداری کو مناظرے کے جواب میں موازنے کا چیلنج کردیا۔

انہوں نے کہا کہ مناظرہ بھی ہو جائے گا لیکن کل کی بارش سے لاہور اور کراچی کا موازنہ ہوگیا، کراچی میں ٹھاٹھیں مارتا سمندر تباہی کا منظر پیش کر رہا تھا، مائیں بہنیں گھٹنے گھٹنے پانی سے گزر رہی تھیں۔

انہوں نے کہا کہ الیکشن لڑنے کا ہر شخص کو حق حاصل ہے، بلاول کراچی، لاہور، میانوالی، کوئٹہ سے الیکشن لڑیں، ان کا حق ہے لیکن پیسے بانٹ کر شناختی کارڈ رکھنا ووٹ کی بدترین توہین ہے، اگر ووٹ خریدنے کی بات درست ہے تو یہ ووٹ کی عزت نہیں توہین ہے، اگلا الیکشن پاکستان کی قسمت کا فیصلہ کرے گا، عوام ہماری کارکردگی دیکھ کر 8 فروری کو ووٹ دے گی۔

صدر مسلم لیگ ن نے کہا کہ نواز شریف دور میں ہسپتالوں اور تعلیمی اداروں کا جال بچھایا گیا، جب وزیراعظم بنا تو بدترین سیلاب آیا، 100 ارب روپے تقسیم کیے، پنجاب اور خیبرپختونخوا میں مفت آٹا تقسیم کیا، ایک سال میں کرپشن انڈیکس 140 سے کم ہو کر 133 پر آگیا، کرپشن میں 7 درجہ کمی کا کریڈٹ 13 جماعتوں کو جاتا ہے۔

پاکستان تحریک انصاف کو تنقید کا نشانہ بناتے ہوئے شہباز شریف نے کہا ٹرانسپیرنسی انٹرنیشنل کی رپورٹ سے ثابت ہوگیا چور کون ہے؟ دودھ کا دوھ پانی کا پانی ہوگیا، ماضی میں کسی سیاستدان کا ایسا رویہ نہیں دیکھا جیسا بانی پی ٹی آئی کا تھا، بانی پی ٹی آئی میں رعونت اور تکبر تھا، 2018 میں بدترین دھاندلی اور جادو ٹونے سے ان کی حکومت بنی، دھاندلی زدہ حکومت نے ہم پر بدترین کرپشن کے الزامات لگائے، ہم پر موٹروے بنانے پر الزامات لگائے گئے، کوئی بھی نواز شریف پر کرپشن کے الزامات ثابت نہیں کرسکا، آج موٹروے سے لاکھوں لوگ مستفید ہو رہے ہیں۔

دیگر خبریں

Trending

daily khabrain

پولز سے پتا چلتا ہےکہ آپ الیکشن نہیں جیت سکتے،نینسی پلوسی...

0
پولز سے پتا چلتا ہےکہ آپ الیکشن نہیں جیت سکتے،نینسی پلوسی کی بائیڈن سے مبینہ کال گفتگو اردو انٹرنیشنل (مانیٹرنگ ڈیسک) امریکی میڈیا...