حارث رؤف کی جگہ عاکف جاوید پاکستانی اسکواڈ میں شامل

اردوانٹرنیشنل (اسپورٹس ڈیسک) تفصیلات کے مطابق بائیں ہاتھ کے تیز گیند باز عاکف جاوید کو منگل کے روز جنوبی افریقہ اور نیوزی لینڈ کے خلاف جاری سہ ملکی ون ڈے سیریز کے لیے پاکستانی اسکواڈ میں شامل کیا گیا ہے۔

عاکف، جنہوں نے 23 فرسٹ کلاس، 30 لسٹ-اے اور 68 ٹی ٹوئنٹی کھیلے ہیں، سیریز کے لیے ہوم سائیڈ کے اسکواڈ میں حارث رؤف کی جگہ لیں گے۔

بائیں ہاتھ کے تیز گیند باز نے اب تک اپنے ابھرتے ہوئے پیشہ ورانہ کیریئر میں 169 وکٹ حاصل کی ہیں.

قابل ذکر بات یہ ہے کہ چوٹ کی حد سنگین نہیں ہے اور حارث روف کے 19 فروری سے 9 مارچ تک پاکستان کی میزبانی میں ہونے والی آئی سی سی چیمپئنز ٹرافی 2025 کے لیے مکمل طور پر صحت یاب ہونے کا امکان ہے۔

پاکستانی اسکواڈ:محمد رضوان (کپتان)، بابر اعظم، فخر زمان، کامران غلام، سعود شکیل، طیب طاہر، فہیم اشرف، خوشدل شاہ، سلمان علی آغا (وی سی)، عثمان خان، ابرار احمد، عاکف جاوید، محمد حسنین، نسیم شاہ اور شاہین شاہ آفریدی۔