Messi and Ronaldo close to setting new world record at 2026 World Cup-Getty Images
فٹبال کی دنیا کے دو عظیم ترین سپر اسٹارز لیونل میسی اور کرسٹیانو رونالڈو ایک اور تاریخی سنگِ میل کے قریب پہنچ گئے ہیں۔
دونوں کھلاڑی 2026 کے فیفا ورلڈ کپ میں شرکت کے لیے تیار ہیں، جو ان کے کیریئر کا چھٹا ورلڈ کپ ہوگا اگر ایسا ہوتا ہے تو میسی اور رونالڈو 2006، 2010، 2014، 2018، 2022 اور 2026 سمیت چھ مختلف ورلڈ کپ کھیلنے والے دنیا کے پہلے فٹبالرز بن جائیں گے۔
شائقین اس ممکنہ لمحے کو دونوں لیجنڈز کا ’’لاسٹ ڈانس‘‘ قرار دے رہے ہیں میسی نے 2022 ورلڈ کپ میں ارجنٹائن کو عالمی چیمپئن بنانے میں کلیدی کردار ادا کیا تھا، جبکہ رونالڈو بھی پرتگال کے لیے بدستور اہم حیثیت رکھتے ہیں۔
امکان ظاہر کیا جا رہا ہے کہ 2026 کا ورلڈ کپ رونالڈو کے بین الاقوامی کیریئر کا آخری بڑا ایونٹ ہوگا۔
دلچسپ بات یہ ہے کہ اگر دونوں ٹیمیں ٹورنامنٹ میں آمنے سامنے آئیں تو یہ ورلڈ کپ کی تاریخ میں پہلا موقع ہوگا جب میسی اور رونالڈو ایک دوسرے کے خلاف میدان میں دکھائی دیں گے، جس کا دنیا بھر کے فٹبال شائقین بےصبری سے انتظار کر رہے ہیں۔
