بھارت تاریخ کو بولی وُڈ انداز میں مسخ کر رہا ہے،آئی ایس پی آر

بھارت تاریخ کو بولی وُڈ انداز میں مسخ کر رہا ہے،آئی ایس پی آر

 اردو انٹرنیشنل (مانیٹرنگ ڈیسک) فوج نے بدھ کے روز ایک بیان میں کہا کہ بھارت مئی میں دونوں ممالک کے درمیان ہونے والے تنازع کے بعد بولی وُڈ طرز کے عجیب و غریب اور من گھڑت کہانی نامے گھڑ کر اپنی پسند کے مطابق تاریخ کو موڑنے کی کوشش کر رہا ہے۔

یہ تازہ بیان ایسے وقت میں سامنے آیا ہے جب بھارتی سیاسی اور عسکری قیادت نے حالیہ ہفتوں میں جارحانہ بیانات دیے ہیں اور اپنی وہی دہشت گردی سے متعلق الزامات دہرائے ہیں جنہیں پاکستان بارہا مسترد کر چکا ہے۔ اس کے جواب میں پاکستانی فوج نے خبردار کیا تھا کہ بھارت کے ساتھ مستقبل میں کوئی بھی تنازع “قیامت خیز تباہی” کا باعث بن سکتا ہے۔

آئی ایس پی آر کے بیان میں کہا گیا واضح طور پر بھارتی قیادت اپنی پسند کے مطابق بولی وُڈ طرز کے من گھڑت،غیر حقیقی کہانی نامے بنا کرتاریخ کو ڈھالنے کی کوشش کر رہی ہے.

بیان میں مزید کہا گیا ایسا لگتا ہے کہ بھارتی فوج اور سیاسی قیادت اس حقیقت کو قبول نہیں کر پا رہی کہ وہ معرکۂ حق میں فیصلہ کن طور پر شکست کھا چکے ہیں، اور ان کے جھوٹ پوری طرح بے نقاب ہو چکے ہیں۔

فوج کے شعبہ تعلقات عامہ نے تشویش کا اظہار کرتے ہوئے کہا کہ پاک-بھارت مئی تنازع کے پانچ ماہ بعد،بہار اور مغربی بنگال کے انتخابات سے قبل بھارتی عسکری قیادت ایک بار پھر وہی واہمہ خیز، من گھڑت اور اشتعال انگیز پروپیگنڈا دہرا رہی ہے جو وہ بھارت کی ہر ریاستی انتخاب سے پہلے دہراتے ہیں۔

آئی ایس پی آر نے کہا یہ افسوسناک بات ہے کہ ایک ایٹمی طاقت رکھنے والے ملک کی عسکری قیادت محض سیاسی دباؤ میں غیر ذمہ دارانہ بیان کے آخر میں کہا گیا بھارتی فوجی پریس کانفرنس میں موجود تضادات اتنے واضح ہیں کہ ان پر کسی ردعمل کی ضرورت ہی نہیں۔ بیانات دے رہی ہے۔ بھارتی عوام اور عالمی برادری کو جھوٹ پر مبنی کہانیاں سنا کر بھارتی فوجی نظام کو مذاق بنا دیا گیا ہے۔