اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے زمبابوے کے خلاف تین میچوں کی سیریز کے پہلے ٹی ٹوئنٹی کے لیے پلیئنگ الیون کا اعلان کر دیا۔
میزبانوں کے خلاف ون ڈے سیریز میں 2-1 سے فتح حاصل کرنے کے بعد، گرین شرٹس تین میچوں کی ٹی ٹوئنٹی سیریز میں میزبانوں کا سامنا کرنے کے لیے تیار ہیں، جو 1 دسمبر کو کوئنز اسپورٹس کلب میں شروع ہونے والی ہے۔
اس سے قبل جمعہ کو، پاکستان کے کھلاڑی سیریز کے لیے بلاوایو پہنچے تھے۔
ان کھلاڑیوں میں عثمان خان، سفیان مقیم، صاحبزادہ فرحان، عرفات منہاس، عمیر بن یوسف اور قاسم اکرم شامل ہیں۔
ٹی ٹوئنٹی اسکواڈ کے اسٹینڈ ان کپتان سلمان علی آغا، حارث رؤف، حسیب اللہ، محمد حسنین، عرفان خان، طیب طاہر، صائم ایوب، ابرار احمد، عامر جمال، جہانزیب خان اور عباس آفریدی کے ساتھ پہلے ہی بلاوایو میں موجود تھے.
دریں اثنا، پاکستان کے ون ڈے کھیلنے والے کھلاڑی جن میں کپتان محمد رضوان، عبداللہ شفیق، کامران غلام اور فیصل اکرم شامل ہیں، وطن واپس پہنچیں گے۔
کامران غلام کی پہلی سنچری، اس کے بعد مشترکہ باؤلنگ کی کوشش نے جمعرات کو کوئنز اسپورٹس کلب میں ون ڈے سیریز کے فیصلہ کن میچ میں پاکستان نے زمبابوے کو 99 رنز سے شکست دی۔
پلیئنگ الیون:
سلمان علی آغا (کپتان)، صائم ایوب، عمیر بن یوسف، عثمان خان، طیب طاہر، محمد عرفان خان، جہانداد خان، محمد عباس آفریدی، حارث رؤف، ابرار احمد، اور سفیان مقیم۔
