پاکستان کے ویمن ٹی ٹوئنٹی ورلڈ کپ 2024 کے وارم اپ فکسچر کا انکشاف

پاکستان کے ویمن ٹی ٹوئنٹی ورلڈ کپ 2024 کے وارم اپ فکسچر کا انکشاف

اردوانٹرنیشنل(اسپورٹس ڈیسک) تفصیلات کے مطابق متحدہ عرب امارات (یو اے ای) میں کھیلے جانے والے آئندہ ویمنز ٹی ٹوئنٹی ورلڈ کپ 2024 کے وارم اپ میچز میں پاکستان کا مقابلہ اسکاٹ لینڈ اور بنگلہ دیش سے ہوگا۔

وارم اپ میچز 28 ستمبر سے یکم اکتوبر تک کھیلے جائیں گے، جو ٹیموں کو میگا ایونٹ سے قبل حالات سے ہم آہنگ ہونے کا موقع فراہم کریں گے۔

ہر ٹیم دو وارم اپ گیمز کھیلے گی اور انہیں ان میچوں میں مکمل 15 رکنی اسکواڈ کو میدان میں اتارنے کی اجازت ہوگی۔

پاکستان اپنا پہلا ٹی ٹوئنٹی ورلڈ کپ وارم اپ میچ 28 ستمبر کو اسکاٹ لینڈ سے کھیلے گا، اس کے بعد 30 ستمبر کو بنگلہ دیش سے ٹاکرا ہوگا۔

واضح رہے کہ یہ ٹورنامنٹ اصل میں بنگلہ دیش میں منعقد ہونا تھا تاہم ملک میں جاری سیاسی بحران کی وجہ سے اسے دبئی اور شارجہ میں ہونے والے میچوں کے ساتھ متحدہ عرب امارات (یو اے ای) منتقل کر دیا گیا تھا۔

میگا ایونٹ کا آغاز 3 اکتوبر کو شارجہ میں میزبان بنگلہ دیش کا اسکاٹ لینڈ سے ہوگا، اس سے پہلے پاکستان اسی دن سری لنکا کے خلاف اسی مقام پر اپنی مہم کا آغاز کرے گا۔

ویمنز ٹی ٹوئنٹی ورلڈ کپ 2024 وارم اپ فکسچر شیڈول:

ستمبر28، ہفتہ، پاکستان بمقابلہ سکاٹ لینڈ، سیونز، دبئی، شام 6 بجے

ستمبر28، ہفتہ، سری لنکا بمقابلہ بنگلہ دیش، اے 1، دبئی، شام 6 بجے

ستمبر29، اتوار، نیوزی لینڈ بمقابلہ جنوبی افریقہ، سیونز، دبئی، شام 6 بجے

ستمبر29، اتوار، بھارت بمقابلہ ویسٹ انڈیز، اے 2، دبئی، شام 6 بجے

ستمبر29، اتوار، آسٹریلیا بمقابلہ انگلینڈ، اے 1، دبئی، شام 6 بجے

ستمبر30، پیر، سری لنکا بمقابلہ سکاٹ لینڈ، سیونز، دبئی، شام 6 بجے

ستمبر30، پیر، بنگلہ دیش بمقابلہ پاکستان، اے 2، دبئی، شام 6 بجے

اکتوبر1، منگل، ویسٹ انڈیز بمقابلہ آسٹریلیا، سیونز، دبئی، شام 6 بجے

اکتوبر1، منگل، انگلینڈ بمقابلہ نیوزی لینڈ، اے2، دبئی، شام 6 بجے

اکتوبر1، منگل، جنوبی افریقہ بمقابلہ انڈیا، اے1، دبئی، شام 6 بجے

ویمنز ٹی ٹوئنٹی ورلڈ کپ 2024 پاکستانی اسکواڈ
فاطمہ ثناء (کپتان)، عالیہ ریاض، ڈیانا بیگ، گل فیروزہ، ارم جاوید، منیبہ علی (وکٹ)، نشرہ سندھو، ندا ڈار، عمائمہ سہیل، صدف شمس، سعدیہ اقبال (فٹنس سے مشروط)، سدرہ امین، سیدہ عروب شاہ ، تسمیہ رباب اور طوبہ حسن