اسد عمر کا سیاست سے مکمل طور پر کنارہ کشی کا اعلان
سماجی رابطے کی ویب سائیٹ ایکس(ٹویٹر ) پر سابق وفاقی وزیر اور تحریک انصاف کے رہنماء اسد عمر نے کہا ہے کہ دس سال تک عوامی سیاست کرنے کے بعد آج میں سیاست سے مکمل طور پر کنارہ کشی کا اعلان کرتا ہوں.
انہوں نے کہا کہ میں پہلے ہی واضح کرچکا ہوں کہ ریاستی اداروں کے ساتھ ٹکراؤ کی پالیسی کے خلاف ہوں.ریاستی اداروں کے ساتھ ٹکراؤ ملک کے مفاد میں نہیں ہے.انہوں نے کہا کہ میں تحریک انصاف کی بنیادی ممبر شپ بھی چھوڑ رہا ہوں.
انہوں نے اپنے ووٹرز اور سپورٹرز کا شکریہ اداکیا کہ انہوں نے انکی عوامی زندگی میں انہیں سپورٹ کیا اور دو بار منتخب کرایا.انہوں نے پاکستانی قوم کے لئے اپنی نیک خواہشات کا اظہاربھی کیا.
