کوئٹہ میں انتخابی دفتر پر دستی بم حملہ، 1 شخص زخمی
اردو انٹرنیشنل (مانیٹرنگ ڈیسک) بلوچستان کے صوبائی دارالحکومت کوئٹہ کے نواحی علاقہ ملاخیل آباد میں سیاسی جماعت مظلوم اولسی تحریک کے انتخابی دفتر پر دستی بم حملہ ہوا جس کے نتیجے میں ایک شخص زخمی ہوگیا۔
ریسکیو حکام نے بتایا کہ زخمی شخص کو طبی امداد کی فراہمی کے لیے فوری طور پر ہسپتال منتقل کردیا گیا۔
دستی بم حملے کے بعد بلوچستان پولیس کی بھاری نفری نے علاقے کو گھیرے میں لے کر تحقیقات کا آغاز کردیا۔
واضح رہے کہ گزشتہ روز بلوچستان کے مختلف علاقوں میں کم از کم 10 دھماکے اور دستی بم حملے ہوئے تھے۔
