Why is today a historic day for Pakistan?
پاکستان کے لیے آج تاریخی دن کیوں
اردو انٹرنیشنل (اسپورٹس ڈیسک) تفصیلات کے مطابق پاکستان کے مختلف کھیلوں کی ٹیمیں آج تین مختلف مقامات پر اپنے اپنے فن کا مظاہرہ کریں گی لہٰذا یہ کہنا ہرگز غلط نہیں ہوگا کہ آج کا دن پاکستان کے لیے ایک تاریخی اہمیت رکھتا ہے۔
تفصیلات کے مطابق پاکستان کرکٹ ٹیم آج آئی سی سی ٹی ٹوئنٹی ورلڈ کپ میں امریکہ کے خلاف اپنی مہم کا آغاز کرے گی تو دوسری طرف فیفا ورلڈکپ کے الیفائر راؤنڈ میں پاکستان فٹبال ٹیم جناح فٹبال اسٹیڈیم اسلام آباد میں سعودی عرب کے مدمقابل ہوگی اور اس کے علاوہ بحرین میں کھیلے جانے والے ایشین مینز والی بال چیلنج کپ میں پاکستانی ٹیم آج کوارٹر فائنل میں ویت نام سے مقابلہ کرے گی۔
فٹبال پر بات کی جائے تو فیفا ورلڈ کپ کوالیفائنگ راؤنڈ 2 گروپ جی کی مضبوط ٹیم سعودی عرب گروپ میں چار میچز میں سے تین جیت کر 10 پوائنٹس کے ساتھ اگلے راؤنڈمیں کوالیفائی کرچکا ہے۔
پاکستان والی بال کے آج کے ہونے والے میچ پر نظر ڈالی جائے تو بحرین میں کھیلے جانے والے ایشین مینز والی بال چیلنج کپ میں پاکستانی ٹیم آج کوارٹر فائنل میں ویت نام سے مقابلہ کرے گی.
دوسری جانب پاکستان کرکٹ ٹیم آج آئی سی سی ٹی ٹوئنٹی ورلڈ کپ میں امریکہ کے خلاف ڈیلاس کے مقام پر اپنا کھاتہ کھولے گی امریکہ کے خلاف ہونے والے میچ کے حوالے سے پاکستان ٹیم کے کپتان بابر اعظم کا کہنا ہے کہ یہ امریکہ کے لیے قابل فخر لمحہ اور بڑا موقع ہوگا جب وہ جمعرات کو ایک سابق چیمپیئن سے کھیلیں گے۔
