We visited India despite threats, Shahid Afridi's criticism of India
ہم نے دھمکیوں کے باوجود بھارت کا دورہ کیا، شاہد آفریدی کی بھارت پر تنقید
اردو انٹرنیشنل (اسپورٹس ڈیسک ) تفصیلات کے مطابق پاکستان کے سابق کپتان شاہد آفریدی نے آئی سی سی چیمپیئنز ٹرافی 2025 کے لیے ٹیم انڈیا کو پاکستان بھیجنے کے فیصلے پر بورڈ آف کنٹرول ان انڈیا (بی سی سی آئی) پر تنقید کی۔
آئی سی سی چیمپئنز ٹرافی 2025 فروری سے مارچ تک پاکستان میں ہونے والی ہے، تاہم، ٹورنامنٹ میں بھارت کی شرکت غیر یقینی ہے کیونکہ بی سی سی آئی نے ملک کے دورے کے لیے حکومت سے اجازت طلب کی ہے۔
دریں اثنا، سابق کپتان نے پیر کو میڈیا سے بات کرتے ہوئے ٹورنامنٹ میں بھارت کی شرکت سے متعلق غیر یقینی صورتحال پر مایوسی کا اظہار کیا۔
شاہد آفریدی نے دعویٰ کیا کہ پاکستان کرکٹ ٹیم نے دھمکیوں کے باوجود ماضی میں بھارت کا دورہ کیا انہوں نے مزید کہا کہ بھارت پاکستان کا دورہ کرنے سے بچنے کے لیے بہانے بنا رہا ہے۔
آفریدی نے کہا کہ اگر انڈیا کا چیمپئنز ٹرافی کے لیے پاکستان آنے کا ارادہ نہیں ہے تو انڈیا بہانے بناتا رہے گا’۔
آل راونڈر نے مزید کہا کہ اگر ہندوستانی کرکٹ ٹیم پاکستان کا دورہ نہیں کرنا چاہتی تو ان کا ہم خیر مقدم کرتےہیں.
یاد رہے کہ بھارتی میڈیا میں بی سی سی آئی کے ایک ذریعے کے حوالے سے خبریں سامنے آئی تھیں کہ بھارتی ٹیم آئندہ آئی سی سی ایونٹ کے لیے پاکستان کا دورہ نہیں کرے گی۔
مزید رپورٹس میں دعویٰ کیا گیا ہے کہ بورڈ نے باضابطہ طور پر دبئی اور سری لنکا کو ہندوستان کے میچوں کی میزبانی کے ممکنہ مقامات کے طور پر تجویز کیا ہے۔
