The Indian team will not go to Pakistan, considering the hybrid model for the Champions Trophy, claims the Indian media
بھارتی ٹیم پاکستان نہیں جائے گی، چیمپئنز ٹرافی کے لیے ہائبرڈ ماڈل پر غور بھارتی میڈیا
اردو انٹرنیشنل (اسپورٹس ڈیسک) تفصیلات کے مطابق آئی سی سی چیمپئنز ٹرافی 2025 کی میزبانی پاکستان کرے گا اور چیمئنز ٹرافی فروری مارچ 2025 میں کھیلی جانی ہے۔
پاکستان نے آئی سی سی سے چیمپئنز ٹرافی کا شیڈول بھی شیئر کر دیا ہے جس کے مطابق بھارت کے تمام میچز لاہور کے قذافی اسٹیڈیم میں رکھے گئے ہیں۔
پی سی بی کی جانب سے جاری شیڈول کے مطابق روایتی حریف پاکستان اور بھارت کا میچ یکم مارچ کو قذافی اسٹیڈیم میں رکھا گیا ہے.
تاہم بی سی بی آئی کی جانب سے تاحال بھارتی ٹیم کے پاکستان جانے کے حوالے سے کسی قسم کی تصدیق یا تردید نہیں کی گئی ہے۔
اب بھارتی میڈیا کی جانب سے ایک بار پھر دعویٰ سامنے آیا ہےے کہ انڈین ٹیم چیمئنز ٹرافی کھیلنے پاکستان نہیں آئے گی اور چیمپئنز ٹرافی کے کچھ میچز ہائبرڈ ماڈل پر متحدہ عرب امارات یا پھر سری لنکا میں ہوں گے۔
بھارتی میڈیا رپورٹ کے مطابق اس بات کے امکانات ہیں کہ انڈین ٹیم پاکستان نہیں جائے گی تاہم اس بارے میں حتمی فیصلہ حکومت نے کرنا ہے چیمپئنز ٹرافی کے لیے ہائبرڈ ماڈل پر کام ہو رہا ہے.
چیئرمین پی سی بی محسن نقوی واضح طور پر کہہ چکے ہیں کہ چیمپئنز ٹرافی کی میزبانی پاکستان کو ملی ہے اور پورا ٹورنامنٹ پاکستان میں ہی کھیلا جائے گا، سری لنکا میں جولائی کے آخر میں ہونے والی آئی سی سی کی میٹنگ میں بھی اس معاملے کو اٹھایا جائے گا۔
