Thursday, July 18, 2024
Top Newsاستنبول، سول سوسائٹی اور طلبہ تنظیموں کی جانب سے کشمیر کا یوم...

استنبول، سول سوسائٹی اور طلبہ تنظیموں کی جانب سے کشمیر کا یوم سیاہ منایا گیا.

استنبول، ترکیہ میں پاکستان کے سفیر ڈاکٹر یوسف جنید نے گزشتہ روز کشمیر کے یوم سیاہ کے موقع پر کشمیر کے عوام کے ساتھ اظہار یکجہتی کے لئے ترکی یوتھ فاؤنڈیشن کے زیر اہتمام بین الاقوامی طلبہ تنظیموں اور سول سوسائٹی کے کنونشن میں شرکت کی.اس موقع پر مختلف طبقہ فکر سے تعلق رکھنے والے لوگوں، مختلف یوتھ ایسوسی ایشنز اور این جی اوز کے نمائندوں نے شرکت کی.

تقریب سے پاکستانی سفیر نے خطاب کرتے ہوئے کہا کہ فلسطین اور کشمیر میں جاری تنازعات اس بات کو واضح کرتے ہیں کہ بین الاقوامی نظام اپنے وعدوں کی تکمیل میں ناکام رہا ہے.

کیوں کہ اس وقت کمزور قبضے کی زد میں ہے جبکہ طاقتور بے گناہوں کو قتل کررہا ہے.یوسف جنید نے مزید کہا کہ پاکستان کشمیریوں کی آزادی کے اس جائز مقصد کی اخلاقی ، سیاسی اور سفارتی مدد اور حمایت کرتا رہے گا.

کشمیر کے لئے واضح اصولی موقف رکھنے پر پاکستانی سفیر نے ترکی کی حکومت اور حکومت کا شکریہ ادا کیا.

اس موقع پر انٹرنیشنل اسلامک فیڈریشن آف سٹودنٹ آرگنائزیشن کے سیکرٹری جنرل ڈاکٹر مصطفی فیصل نے انصاف کی اہمیت پر زور دیتے ہوئے بین الاقوامی برادری سے مطالبہ کیا کہ وہ بھارتی مقبوضہ کشمیر میں انسانی حقوق کی خلاف ورزیوں پر بھارت کو جوابدہ ٹھرانے کے لئے عملی اقدامات کرے اور اپنا کردار ادا کرے.انہوں نے اس بات پر زور دیا کہ سلامتی کونسل کی متعلقہ قراردادوں کے مطابق جموں و کشمیر کے تنازعہ کا منصفانہ اور پرامن حل ہونا چاہیے.

یاد رہے کہ 27 اکتوبر 1947 کو ہندستانی فوج نےسری نگر میں حملہ کرکے غیر قانونی طور پر جموں کشمیر پر قبضہ کرلیا تھا اورآج تک بھارتی فوج کاجموں و کشمیر پر ناجائز قبضہ برقرار ہےاردو انٹرنیشنل

دیگر خبریں

Trending

daily khabrain

پولز سے پتا چلتا ہےکہ آپ الیکشن نہیں جیت سکتے،نینسی پلوسی...

0
پولز سے پتا چلتا ہےکہ آپ الیکشن نہیں جیت سکتے،نینسی پلوسی کی بائیڈن سے مبینہ کال گفتگو اردو انٹرنیشنل (مانیٹرنگ ڈیسک) امریکی میڈیا...