ٹی ٹوئنٹی ورلڈ کپ کے لیے ویسٹ انڈیز ٹیم میں شمر جوزف کا ہونا ضروری ہے،کرس گیل

اردو انٹرنیشنل(اسپورٹس ڈیسک) تفصیلات کے مطابق جوزف، اس سال کے شروع میں آسٹریلیا میں اپنی ڈیبیو سیریز میں منظرعام پر آئے انہوں نے ایڈیلیڈ میں اپنے پہلے ٹیسٹ میں پانچ وکٹیں حاصل کیں۔

اس کے بعد انہوں نے برسبین میں جادوئی باولنگ کا مظاہرہ کیا جہاں زخمی پیر کے ساتھ گیند کرتے ہوئے تیز گیند باز نے 7 وکٹیں اپنے نام کیں اس کے ساتھ ہی 27 سالوں میں آسٹریلیا کی سرزمین پر ویسٹ انڈیز کی پہلی ٹیسٹ جیت کا ریکارڈ بنایا جا سکا.

24 سالہ کھلاڑی نے صرف دو ڈومیسٹک ٹی ٹوئنٹی میچز کھیلے ہیں لیکن گیل، کا کہنا ہے کہ ویسٹ انڈیز کو ورلڈ کپ میں جوزف، کی ضرورت ہے۔

وہ مضبوط ہے اسے ٹیم میں ہونا چاہیے گیل، جنہوں نے منگل کو نیویارک میں ٹی ٹوئنٹی ورلڈ کپ ٹرافی کے دورے کا آغاز کیا ایک ٹیلی فون انٹرویو میں رائٹرز کو بتایا۔

ہمارے پاس پہلے سے ہی الزاری جوزف موجود ہیں، لہذا وہاں دو جوزف کا ہونابہت اچھا ہوگاہو سکتا ہے کہ دونوں ایک ہی وقت میں نہ کھیلیں، لیکن ہمیں اس اسکواڈ میں اس کی ضرورت ہو گی اگر کوئی انجری کا شکار ہو جائے۔

ویسٹ انڈیز آسٹریلیا میں 2022 کے ورلڈ کپ کے سپر 12 مرحلے میں جگہ بنانے میں ناکام رہا لیکن اس نے گزشتہ ایک سال کے دوران جنوبی افریقہ بھارت اور انگلینڈ کے خلاف سیریز میں فتوحات درج کیں۔

ڈیرن سیمی ان کے کوچ ہیں جو جانتا ہے کہ عالمی ٹرافی جیتنے کے لیے کیا کرنا پڑتا ہے جس نے ویسٹ انڈیز کی قیادت میں 2012 اور 2016 میں ٹی ٹوئنٹی ورلڈ کپ ٹائٹل جیتا تھا۔

گیل نے کہا کہ ایک ٹی 20 کا علمبردار جس کی دل لگی بلے بازی نے انہیں فرنچائز لیگز میں ایک مشہور نام بنا دیا 20 اوورز کی کرکٹ نے دوسرے فارمیٹس کو بہت زیادہ نتیجہ خیز بنا دیا ہے۔

آپ ان دنوں ٹیسٹ کرکٹ دیکھتے ہیں یہ چند سال پہلے کی نسبت تھوڑی تیز کھیلی جاتی ہے ٹیمیں آسانی سے ایک دن میں 300 رنز بناتی ہیں اس کی وجہ ٹی ٹوئنٹی کرکٹ ہے۔

50 اوورز کی کرکٹ میں بھی ایسا ہی ہوتا ہے ٹیمیں اسکور کر سکتی ہیں اور 400 کا تعاقب بھی کر سکتی ہیں ٹی ٹوئنٹی کرکٹ کی بدولت کھیل میں سب کچھ بدل گیا ہے۔

2007 ورلڈ کپ میں ٹی 20 انٹرنیشنل میں پہلی سنچری بنانے والے گیل، فارمیٹ کی ترقی میں اپنا کردار ادا کرنے پر خوش تھے۔

ورلڈ کپ یکم سے 29 جون تک ویسٹ انڈیز اور امریکا میں کھیلا جائے گا۔