Wednesday, July 24, 2024
Top Newsخاتون سے ’محبت کے اظہار‘ کی آڈیو لیک ہونے پر ...

خاتون سے ’محبت کے اظہار‘ کی آڈیو لیک ہونے پر پیرو کے وزیرِاعظم مستعفی

خاتون سے ’محبت کے اظہار‘ کی آڈیو لیک ہونے پر پیرو کے وزیرِاعظم مستعفی

اردو انٹرنیشنل ( مانیٹرنگ ڈیسک) تفصیلات کے مطابق جنوبی امریکہ کے ملک پیرو کے وزیرِاعظم البرتو اوتارولا نے ایک 25 سالہ خاتون کے ساتھ اپنی گفتگو کی آڈیو لیک ہونے کے بعد اپنے عہدے سے استعفیٰ دے دیا ہے۔

البرتو اوتارولا پر الزام ہے کہ انھوں نے اپنے اثر و رسوخ کا استعمال کرتے ہوئے منافع بخش سرکاری ٹھیکے خاتون کو دلوائے۔ تاہم ستاون سالہ وزیرِاعظم البرتو اوتارولا نے خود پر لگنے والے الزامات کی تردید کی ہے۔

یہ سکینڈل گذشتہ ہفتے اس وقت سامنے آیا جب پیرو کے ایک ٹی وی چینل نے ’پینوراما‘ پروگرام میں البرتو اوتارولا اور خاتون کے درمیان گفتگو کی آڈیو کلپ نشر کی۔

ریکارڈنگ نشر کیے جانے کے بعد، وزارتِ اعظمیٰ کے عہدے سے مستعفیٰ ہوتے وقت ایک تقریر میں البرتو اوتارولا کا کہنا تھا کہ ‘انہیں سیاسی مخالفین نے پھنسایا ہے، ان کا مقصد آڈیو ریکارڈنگ کو ایڈٹ کر کے میری ساکھ کو نقصان پہنچانا ہے’۔

تفصیلات کے مطابق 25 سالہ خاتون یازیرے پینیڈو کو 2023 میں پیرو کی وزارتِ دفاع کی جانب سے دو کنٹریکٹس دیے گئے تھے جس سے انھوں نے مجموعی طور پر 14 ہزاد ڈالر کمائے۔

البرتو اوتارولا 2022 کے اختتام تک پیرو کے وزیرِ دفاع کی حیثیت سے کام کر رہے تھے۔لیکن ڈینا بولوارتے کے صدر بننے کے بعد انھیں پیرو کا وزیرِاعظم بنایا گیا تھا۔

تاہم البرتو اوتارولا اور متعلقہ خاتون کی جانب سے کہا گیا ہے کہ ان کے درمیان گفتگو کی ریکارڈنگ 2021 کی ہے جب البرتو اوتارولا وزیر نہیں بنے تھے.

خاتون کی جانب سے اعتراف کیا گیا ہے کہ اوتارولا کے ساتھ ان کا ایک مختصر ”شاید جذباتی تعلق“ تھا۔

البرتو اوتارولا نے الزام عائد کیا ہے کہ پیرو کے سابق وزیرِاعظم مارٹن وِزکارا بھی ان کے خلاف سازش میں ملوث ہیں۔لیکن مارٹن وِزکارا نے اس الزام کی تردید کردی ہے۔

دیگر خبریں

Trending

کینیا: ٹیکس اضافے کے خلاف پرتشدد مظاہروں میں 13...

0
کینیا: ٹیکس اضافے کے خلاف پرتشدد مظاہروں میں 13 افراد ہلاک ، صورتحال پر قابو پانے کیلئے فوج طلب اردو انٹرنیشنل ( مانیٹرنگ ڈیسک)کینیا میں...