PCB refuses to give NOC to Babar, Shaheen and Rizwan for Global T20 Canada
پی سی بی کا گلوبل ٹی ٹوئنٹی کینیڈا کے لیے بابر، شاہین اور رضوان کا این او سی دینے سے انکار
اردو انٹرنیشنل (اسپورٹس ڈیسک) تفصیلات کے مطابق جیو نیوز نے ذرائع کے حوالے سے رپورٹ کیا کہ پاکستان کرکٹ بورڈ (پی سی بی) نے کینیڈا کے گلوبل ٹی ٹوئنٹی کے لیے کپتان بابر اعظم، شاہین آفریدی اور محمد رضوان کا نو آ بجیکشن سرٹیفکیٹ (این او سی) روک دیا.
تفصیلات کے مطابق کرکٹرز نے لیگ کے لیے این او سی کی درخواست کی ہے جب کہ پی سی بی نے گلوبل ٹی ٹوئنٹی کے الحاق کے حوالے سے انٹرنیشنل کرکٹ کونسل (آئی سی سی) سے رابطہ کیا ہے۔
این او سی پر فیصلہ آئی سی سی کی وضاحت کے بعد کیا جائے گا۔
واضح رہے کہ پاکستان کے7 اسٹارز جی ٹی ٹوئنٹی میں حصہ لیں گے ان میں بابر، رضوان، شاہین، آصف علی، محمد عامر، افتخار احمد اور محمد نواز شامل ہیں۔
بابر، آصف، عامر اور رضوان وینکوور نائٹس کی جانب سے کھیلنے جا رہے ہیں شاہین اور نواز ٹورنٹو نیشنلز کی نمائندگی کرنے جا رہے ہیں اور افتخار بنگلہ ٹائیگرز مسی ساگا کا حصہ ہوں گے۔
اس سے قبل منگل کو پی سی بی نے دنیا بھر کی مختلف لیگز میں شرکت کے لیے 12 کھلاڑیوں کو این او سی جاری کیا تھا۔
