Pakistan's first super floodlit sports track ready-X
کراچی کے سپر ہائی وے پر قائم نجی ہاؤسنگ سوسائٹی کے آٹو کراس ٹریک پر جدید فلڈ لائٹس نصب کردی گئی ہیں، جس کے بعد اب یہاں رات کے اوقات میں بھی موٹر اسپورٹس مقابلے منعقد کیے جاسکیں گے۔
انتظامیہ کے مطابق دو کلومیٹر سے زائد طویل ٹریک پر 100 ٹاورز کے ذریعے 300 ایل ای ڈی لائٹس نصب کی گئی ہیں، جبکہ چار ہائی ماسک ٹاورز بھی لگائے گئے ہیں تاکہ ٹریک پر بہترین روشنی فراہم کی جاسکے۔
اس منصوبے کے تحت 200 میٹر طویل ڈریگ ٹریک بھی تیار کیا گیا ہے، جہاں بیک وقت دو گاڑیاں ریس میں حصہ لے سکتی ہیں ڈریگ ریس کے دوران گاڑیوں کی رفتار 250 کلومیٹر فی گھنٹہ سے تجاوز کرجاتی ہے۔
چیئرمین شجاعت شیروانی کا کہنا ہے کہ یہ منصوبہ پاکستان میں موٹر اسپورٹس کے فروغ کے لیے ایک تاریخی پیش رفت ہے۔
انہوں نے کہا کہ کراچی میں موٹر اسپورٹس سے وابستہ افراد دن کے اوقات میں کاروبار اور ملازمت کی مصروفیات کے باعث مقابلوں میں شرکت نہیں کرپاتے تھے، تاہم فلڈ لائٹس کی تنصیب کے بعد اب رات کے وقت بھی ریسنگ ایونٹس کا انعقاد ممکن ہوگا۔
انہوں نے امید ظاہر کی کہ اس اقدام سے پاکستان میں موٹر اسپورٹس کو مزید فروغ ملے گا۔
واضح رہے کہ معرکۂ حق کے سلسلے میں یہاں 100 گاڑیوں پر مشتمل مارچ پاسٹ بھی کیا گیا۔
