سرفراز بگٹی بلامقابلہ وزیراعلیٰ بلوچستان منتخب ہوگئے
اردو انٹرنیشنل (مانیٹرنگ ڈیسک) پاکستان پیپلز پارٹی کی قیادت کے نامزد کردہ سرفرازبگٹی وزیراعلیٰ بلوچستان منتخب ہوگئے۔ پیپلزپارٹی نے پارلیمانی ارکان اوراتحادیوں سےمشاورت کے بعد فیصلہ کیا گیا ۔
سیکرٹری صوبائی اسمبلی بلوچستان نے پریس کانفرنس کرتے ہوئے کہا کہ وزیر اعلیٰ کے لیے کاغذات نامزدگی جمع کرانے کا وقت 5 بجے کا تھا وقت ختم ہونے تک کسی بھی امیدوار نے کاغذات جمع نہیں کروائے۔
سرفراز بگٹی کو وزارت اعلیٰ کے لیے نامزد کیے جانےکا باضابطہ اعلان آصف زرداری اور بلاول بھٹو کی طرف سے کیا گیا تھا۔ اس حوالے سے مزید بتایا گیا تھا کہ بلوچستان کی وزارت اعلیٰ کے لیے علی مدد جتک کے نام پر بھی غور کیا گیا تاہم حتمی مشاور کے بعد سرفراز بگٹی کے نام پر اتفاق کیا گیا۔