Pakistan Hockey Federation appoints selectors and coaches-PHF
پاکستان ہاکی فیڈریشن (پی ایچ ایف) نے قومی ٹیموں کے لیے کوچنگ اور سلیکشن پینل کا باضابطہ اعلان کر دیا ہے جاری کردہ نوٹیفکیشن کے مطابق سابق اولمپیئن سمیع اللہ خان کو چیف سلیکٹر مقرر کیا گیا ہے، جبکہ نعیم اختر، کاشف جواد، محمد خالد، عاطف بشیر اور ناصر علی سلیکٹرز کے فرائض انجام دیں گے۔
پی ایچ ایف کے مطابق منظور الحسن کو پاکستان سینئر ہاکی ٹیم کا ہیڈ کوچ مقرر کیا گیا ہے اس کے علاوہ ایاز محمود کو جونیئر ہاکی ٹیم کا ہیڈ کوچ جبکہ قمر ابراہیم کو انڈر 18 ٹیم کا چیف کوچ تعینات کیا گیا ہے۔
فیڈریشن کا کہنا ہے کہ یہ تمام تقرریاں پی ایچ ایف پروفیشنل ڈویلپمنٹ کمیٹی کی سفارشات کی روشنی میں کی گئی ہیں، اور اس حوالے سے باضابطہ نوٹیفکیشن بھی جاری کر دیا گیا ہے۔
