اردو انٹرنیشنل (مانیٹرنگ ڈیسک) پاکستان ایئرفورس کا تربیتی طیارہ گر کر تباہ ہوگیا، جس کے نتیجے میں پائلٹ کے ہلاک ہونے کی اطلاعات ہیں۔
میڈیا رپورٹس کے مطابق یہ افسوسناک واقعہ صوبہ خیبرپختونخواہ کے ضلع نوشہرہ کے شہر رسالپور میں پیش آیا جہاں پاک فضائیہ کا تربیتی طیارہ حادثے کا شکار ہوگیا۔
اس حوالے سے پولیس نے بتایا کہ تربیتی طیارہ رن وے کی دیوار کے قریب کھیتوں میں جاگرا، حادثے کے بعد تربیتی طیارے میں آگ بھڑک اُٹھی، تربیتی طیارے میںموجود پائلٹ ہلاک ہوگیا، حادثے کی اطلاع ملتے ہی ریسکیو 1122، پاک فضائیہ اور آرمی کی ایمبولنس اور فائربریگیڈ موقع پر پہنچ گئیں، تربیتی طیارے 8 K کا ملبہ رن وے کے قریب کھیتوں میں موجود ہے جس کو سکیورٹی اہلکاروں نے تحویل میں لے لیا، تاہم فوری طور پر اس حادثے کی وجہ معلوم نہ ہوسکی۔
