New history in PSL, Usman Khan becomes the player with the most centuries-PSL
پاکستان سپر لیگ (پی ایس ایل) سیزن 11 میں حیدرآباد کنگزمین کے عثمان خان نے شاندار کارکردگی کا مظاہرہ کرتے ہوئے لیگ کی تاریخ میں نیا ریکارڈ قائم کردیا۔
ملتان سلطانز کے خلاف کھیلے گئے 33ویں میچ میں عثمان خان نے جارحانہ بیٹنگ کرتے ہوئے صرف 44 گیندوں پر سنچری اسکور کی، جس میں 10 چھکے اور 5 چوکے شامل تھے ان کی اس دھواں دار اننگز کی بدولت حیدرآباد کنگزمین نے ہدف حاصل کرتے ہوئے 4 وکٹوں سے کامیابی سمیٹی اور ایونٹ میں مسلسل چوتھی فتح اپنے نام کی۔
اس سنچری کے ساتھ عثمان خان پاکستان سپر لیگ کی تاریخ میں سب سے زیادہ سنچریاں بنانے والے کھلاڑی بن گئے ہیں وہ اب تک لیگ میں 33 میچز کھیل چکے ہیں، جن میں وہ مجموعی طور پر چار سنچریاں اسکور کرچکے ہیں، جن میں ایک 2023 جبکہ دو 2024 میں بنائی گئی تھیں۔
