نوازشریف دل بڑا کرکے پیپلز پارٹی کو وزارت عظمیٰ کی پیشکش کریں،مشاہد حسین
اردو انٹرنیشنل (مانیٹرنگ ڈیسک) سینیٹرمشاہد حسین سید کا کہنا ہے کہ بانی پی ٹی آئی سمیت تمام سیاسی قیدیوں کوعام معافی دی جائے۔سینیٹ اجلاس میں اظہار خیال کرتے ہوئے مشاہد حسین سید نے کہا کہ تحریک انصاف کو بھی سسٹم میں شامل کیا جائے، بولے اگر تین سیاسی جماعتوں نے مل کر فیصلہ نہ کیا تو پھر جی ایچ کیو فیصلہ کرے گا۔
ذرائع کے مطابق مشاہد حسین سید کا کہنا تھا کہ نوازشریف دل بڑا کرکے پیپلز پارٹی کو وزارت عظمیٰ کی پیشکش کریں اور خود سربراہ مملکت بنیں۔ تحریک انصاف کو بھی سسٹم میں شامل کیا جائے۔اس سے قبل سوشل میڈیا پلیٹ فارم ایکس (ٹوئٹر) پر ایک پیغام میں مسلم لیگ (ن) کے سینیٹر مشاہد حسین سید نے پارٹی قائد میاں نواز شریف کو تحریک انصاف سے مصالحت کا مشورہ دیا تھا۔
مشاہد حسین سید نے کہا کہ میاں صاحب بڑے دل کا مظاہرہ کریں، وزارت عظمیٰ کا عہدہ پیپلز پارٹی کو دیں، نوازشریف پی ٹی آئی کی طرف مصالحت کا ہاتھ بڑھائیں، الیکشن میں اکثریت حاصل کرنے والی پی ٹی آئی کے مینڈیٹ کا احترام کریں۔