nasir-iqbal-reached-the-final-of-the-tasmanian-open-squash-championship
اردو انٹرنیشنل اسپورٹس ویب ڈیسکتفصیلات کے مطابق پاکستان کے ناصر اقبال آسٹریلیا میں جاری تسمینئن اوپن اسکواش چیمپئن شپ کے فائنل میں پہنچ گئے ۔ یہ آسٹریلیا میں ان کا چار ٹورنامنٹس میں سے تیسرا فائنل ہے ۔
نو ہزار ڈالرز کی انعامی رقم والے تسمینئن اوپن کے سیمی فائنل میں ناصر اقبال نے فرانس کے ملویل سیانیمینکو کو 4-11، 5-11 اور 5-11 سے شکست دی ۔
آسٹریلیا میں جاری ایونٹ کے فائنل میں ناصر کا مقابلہ سوئٹزرلینڈ کے ڈیوڈ بارنیٹ سے ہوگا ۔
اس سے قبل انہوں نے بینڈیگو انٹرنیشنل اور شیپرٹن اوپن ٹورنامنٹ کا ٹائٹل جیتا جبکہ وکٹوریہ اوپن کا سیمی فائنل کھیلا اور اب وہ تسمینئن اوپن کے فائنل میں پہنچ گئے ہیں ۔
انہوں نے اس سال کراچی میں سی این ایس اسکواش چیمپئن شپ کا فائنل بھی کھیلا تھا۔
