حکومت سازی کیلئے جوڑ توڑ کا آغاز، ایم کیو ایم وفد کی مسلم لیگ (ن) کے قائد میاں نواز شریف سے ملاقات
اردو انٹرنیشنل ( مانیٹرنگ ڈیسک) تفصیلات کے مطابق حکومت سازی پر مشاورت کیلئے متحدہ قومی موومنٹ کے وفد نے رائیونڈ جاتی امرا پہنچ کر مسلم لیگ ن کے قائد میاں نواز شریف سے ملاقات کی. رائیونڈ آمد پر مسلم لیگ (ن) کے قائد محمد نواز شریف، صدر شہباز شریف نے دیگر پارٹی رہنماؤں کے ہمراہ ایم کیو ایم کے قائدین کا استقبال کیا.
ایم کیو ایم وفد کی قیادت ڈاکٹر خالد مقبول صدیقی کررہے تھے جبکہ ان کے ساتھ وفد میں گورنر سندھ کامران ٹسوری، ڈاکٹر فاروق ستار، مصطفی کمال بھی شامل تھے.
سیاسی بیٹھک میں نئی حکومت سازی ، آئندہ سیاسی حکمت عملی سمیت دیگر اہم امور پر مشاورت ہوئی۔
مسلم لیگ (ن) کے صدر شہبازشریف، مریم نواز اور دیگر لیگی رہنما بھی ملاقات میں شریک ہوئے .
متحدہ قومی موومنٹ پاکستان کا وفد (ن) لیگ کی اعلیٰ قیادت سے ایک گھنٹہ طویل ملاقات کے بعد جاتی امرا سے روانہ ہوگیا ہے۔
یاد رہے کہ اس سے کچھ روز پہلے مسلم لیگ ن کے قائد میاں محمد نواز شریف نے حکومت سازی کے حوالے سے دیگر سیاسی جماعتوں کو مشاورت کی دعوت دی تھی اور شہباز شریف کو دیگر سیاسی جماعتوں کے ساتھ رابطے کا ٹاسک دیا تھا
