محمد عامر کی آئرلینڈ روانگی میں تاخیر

اردو انٹرنیشنل (اسپورٹس ڈیسک) تفصیلات کے مطابق ٹیم انتظامیہ کے مطابق پاکستانی فاسٹ بولر محمد عامر کی آئرلینڈ روانگی ویزے کے مسائل کے باعث تاخیر کا شکار ہوئی ہے۔

پاکستانی ٹیم کل آئرلینڈ کے لیے روانہ ہوگی لیکن عامر ان کے ساتھ نہیں جائیں گے پاکستان کرکٹ بورڈ (پی سی بی) پر امید ہے کہ عامر کا ویزا جلد جاری کر دیا جائے گا۔

عامر ویزہ کی کارروائی مکمل ہونے کے بعد پہلی دستیاب پرواز سے آئرلینڈ کے لیے روانہ ہوں گے۔

عامر پر 2010 میں سپاٹ فکسنگ کیس میں محمد آصف اور سلمان بٹ کے ساتھ انٹرنیشنل کرکٹ کونسل (آئی سی سی) نے پانچ سال کے لیے بین الاقوامی کرکٹ سے پابندی عائد کر دی تھی۔

واضح رہے کہ پاکستانی ٹیم آئرلینڈ میں تین ٹی ٹوئنٹی کھیلے گی جس کے بعد انگلینڈ میں چار ٹی ٹوئنٹی کھیلے گی انگلینڈ سیریز کے بعد پاکستان ٹی ٹوئنٹی ورلڈ کپ میں شرکت کے لیے امریکا روانہ ہوگا۔