محمد صلاح کے گول نے لیورپول کو آرسنل کے خلاف شکست سے بچا لیا
اردو انٹرنیشنل ( اسپورٹس ڈیسک) اتوار کی رات امارات اسٹیڈیم میں پریمیئر لیگ کے ٹاپ ٹیموں کے درمیان دلچسپ مقابلے میں آرسنل اور لیورپول کے درمیان مقابلہ 2-2 گول سے برابر رہا۔
آرسنل نے انتہائی اہم میچ میں شاندار آغاز کیا جب بکائیو ساکا نے بین وائٹ کے لمبے پاس پر قابو پاتے ہوئے لیور پول کے اینڈی رابرٹسن کو چکمہ دے کر قریب سے بال کو جال میں پہنچا دیا۔
لیورپول نے جلد ہی واپسی کی جب ورجیل وین ڈجک نے الیگزینڈر آرنلڈ کے سیٹ پیس سے شاندار ہیڈر کے زریعے گول کر کے مقابلہ برابر کیا ۔
لیکن اس کے بعد آرسنل نے پہلے ہاف کے باقی وقت میں غلبہ برقرار رکھا اور دوبارہ برتری حاصل کی جب میکل میرینو نے ڈیکلان رائس کی فری کِک پر شاندار ہیڈر کے ذریعے گول کر دیا۔
دوسرے ہاف کے آغاز پر آرسنل کے لیے بری خبر آئی جب گیبریل انجری کی وجہ سے میدان چھوڑنے پر مجبور ہوگئے۔
اس کے بعد لیورپول نے میچ پر غلبہ حاصل کیا، اور ان کی کوششیں کامیاب ہوئیں جب الیگزینڈر آرنلڈ نے ایک خوبصورت پاس ڈارون نونیز کو دیا، جس نے گیند محمد صلاح کو بڑھا دی، جس کے بعد محمد صلاح نے گول کر کے مقابلہ 2-2 سے برابر کر دیا۔
محمد صلاح گول شمالی لندن میں کھیلے گئے میچ کو دلچسپ موڑ پر لے آیا، اور دونوں ٹیموں کے درمیان پوائنٹس برابر رہے۔
