میٹا (Meta) نے ذہنی صحت پر ‘سوشل میڈیا کے منفی اثرات’ کے ثبوت چھپا دیے، عدالت کا دعویٰ
اردو انٹرنیشنل (مانیٹرنگ ڈیسک) دی نیوز کے مطابق تازہ ترین پیشرفت میں ایک امریکی عدالت نے دعویٰ کیا ہے کہ Meta نے مبینہ طور پر اندرونی تحقیقات اس وقت روک دیں جب اسے واضح شواہد ملے کہ Facebook اور Instagram صارفین کی ذہنی صحت پر منفی اثر ڈال رہے ہیں۔
رائٹرز کے مطابق دستاویز میں کہا گیا ہے کہ 2020 میں کیے گئے ایک مطالعے — جس کا خفیہ نام “پروجیکٹ مرکری” تھا نے پایا کہ صارفین نے پلیٹ فارمز کو ڈی ایکٹیویٹ کرنے کے بعد ڈپریشن، بے چینی اور تنہائی میں کمی محسوس کی، لیکن Meta نے یہ نتائج شائع نہ کرنے کا فیصلہ کیا۔
رپورٹ کے مطابق جن لوگوں نے ایک ہفتے تک Facebook استعمال نہیں کیا، انہوں نے ڈپریشن، بے چینی، تنہائی اور سماجی موازنہ میں نمایاں کمی کی اطلاع دی۔
دستاویز میں مزید کہا گیا ان نتائج کو شائع کرنے یا مزید تحقیق کرنے کے بجائے Meta نے یہ کام روک دیا اور اندرونی طور پر اعلان کیا کہ منفی نتائج کمپنی کے بارے میں موجود میڈیا بیانیے سے متاثر ہیں۔”
تاہم عملے نے Meta کے سابق گلوبل پالیسی چیف نک کلیگ کو یقین دلایا کہ تحقیق کے نتائج درست ہیں۔ایک محقق نے مبینہ طور پر لکھانیلسن کی یہ تحقیق واقعی سماجی موازنے پر براہِ راست اثر دکھاتی ہے۔
ایک اور ملازم نے تشویش ظاہر کرتے ہوئے کہا کہ منفی نتائج چھپانا خطرناک ہوگا۔ اس نے مثال دیتے ہوئے کہا یہ ایسے ہوگا جیسے تمباکو کمپنیاں تحقیق کریں، جان لیں کہ سگریٹ انسان کے لیے نقصان دہ ہیں، اور پھر اس معلومات کو چھپا دیں۔
مزید برآں، یہ دعوے ان غیر سنسر شدہ دستاویزات سے نکلے ہیں جو امریکی اسکول ڈسٹرکٹس نے Meta، Google، TikTok اور Snapchat کے خلاف دائر مقدمے میں جمع کرائی ہیں۔مدعیان کا مؤقف ہے کہ ٹیکنالوجی کمپنیوں نے صارفین، والدین اور اساتذہ سے ایسے خطرات چھپائے جنہیں وہ اندرونی طور پر تسلیم کر چکے تھے۔
الزامات میں شامل ہے
13 سال سے کم عمر بچوں کو پلیٹ فارمز استعمال کرنے کی خاموش اجازت
بچوں کے خلاف جنسی استحصال کے مواد کو روکنے میں ناکامی
اسکول کے اوقات میں کم عمر صارفین کو سوشل میڈیا استعمال کرنے کی ترغیب دینا
Meta کی تردید
22 نومبر 2025 کو جاری بیان میں Meta کے ترجمان اینڈی اسٹون نے تمام الزامات مسترد کر دیے اور کہا کہ تحقیق کو اس لیے روکا گیا کیونکہ اس کی طریقہ کار (methodology) ناقص تھی، اور کمپنی مسلسل پروڈکٹ سیفٹی بہتر بنانے پر کام کر رہی ہے۔
انہوں نے کہا مکمل ریکارڈ یہ ثابت کرے گا کہ ہم ایک دہائی سے والدین کی بات سنتے آئے ہیں، اہم مسائل پر تحقیق کی ہے اور نوجوانوں کی حفاظت کے لیے حقیقی اقدامات کیے ہیں۔
