Friday, June 21, 2024
Top Newsچیئرمین PFF نارملائزیشن ہارون ملک اور سعودی سفیر نواف سعید المالکی...

چیئرمین PFF نارملائزیشن ہارون ملک اور سعودی سفیر نواف سعید المالکی کی ملاقات

چیئرمین PFF نارملائزیشن ہارون ملک اور سعودی سفیر نواف سعید المالکی کی ملاقات

چیئرمین پی ایف ایف نارملائزیشن کمیٹی ہارون ملک اور پاکستان میں تعینات سعودی سفیر نواف بن سعید المالکی کی اسلام آباد میں ملاقات ہوئی، اس موقع پر دونوں ملکوں میں فٹبال کا معیار بہتر بنانے کیلئے مشترکہ منصوبوں کے معاملات زیر غور آئے، حال میں نارملائزیشن کمیٹی اورسعودی فٹبال فیڈریشن کے مابین تعاون کیلئے ہونے والے معاہدے کو خوش آئند قرار دیتے ہوئے اس بات پر اتفاق کیا گیا کہ مختلف شعبوں میں مل کر کام کیا جائے گا.

اردو انٹرنیشنل

دونوں ملک ایک دوسرے کے تجربات سے سیکھنے کیلئے مہارت اور معلومات سے فائدہ اٹھائیں گے،باہمی تعاون کی فضا میں دونوں ملکوں میں فٹبال کو عروج کی جانب لے جانے میں مدد ملے گی۔

اس موقع پر بات کرتے ہوئے سعودی سفیر نواف بن سعید المالکی نے کہا کہ سعودی فیڈریشن کی جانب سے اس احسن اقدام کے پاکستان فٹبال پر دورس نتائج مرتب ہوں گے،کھلاڑیوں اور کوچز کو اپنی مہارت بہتر بناکر کارکردگی میں نکھار لانے کے مواقع ملیں گے،امید ہے کہ ان کوششوں سے آنے والے وقتوں میں پاکستان سے کئی سپر سٹارز ابھر کر سامنے آئیں گے۔

نارملائزیشن کمیٹی کے چیئرمین ہارون ملک نے سعودی حکومت اور فٹبال فیڈریشن کا شکریہ ادا کرتے ہوئے کہا کہ پاکستان فٹبال فیڈریشن کھیل کو نئی بلندیوں تک پہنچانے کیلئے بھرپور کوشش کررہی ہے،اپنی نوعیت کے پہلے ایم اویو سے اس عمل کو تیز تر کرنے میں مدد ملے گی،ان قدامات سے پاکستانی فٹبالرز جدید تقاضوں سے ہم آہنگ ہوکر کم ازکم ایشیائی سطح پر اپنا لوہا منوانے میں کامیاب ہوسکتے ہیں۔

دیگر خبریں

Trending

کروز شپ نےاسپین جانے والے 68 تارکین وطن کو بچا لیا

0
کروز شپ نےاسپین جانے والے 68 تارکین وطن کو بچا لیا اردو انٹرنیشنل (مانیٹرنگ ڈیسک) اسپین کے شہر کینری جانے والے 68 تارکین وطن...